Lesa mas...

Lesa mas...

 Lesa mas...

Lesa mas...

 Lesa mas..

Lesa mas..

 Lesa mas...

Lesa mas...

 lesa mas...

lesa mas...

 Lesa mas...

Lesa mas...

 Lesa mas...

Lesa mas...

 Lesa mas...

Lesa mas...

 Lesa mas...

Lesa mas...

 Lesa mas...

Lesa mas...

 Lesa mas...

Lesa mas...

 Lesa mas...

Lesa mas...

 

Fuente ta un plataforma cu ta duna espacio pa comparti informacion over di Aruba, pa propone solucion y presenta idea nan. E contenido aki riba ta basa riba hecho y ta semper constructivo. Fuente no ta afilia na ningun partido politico. E focus di Fuente ta e bienestar di nos isla. Tur hende por contribui.

 

Arxen Alders

Desde 2015 mi ta traha na e ministerio di Asuntonan Interno y Relashon di Reino den e departamento cu ta maneha asunto di relacion entre Hulanda y e seis islanan Caribense di Reino. Como Arubiano trahando pa gobierno Hulandes, mi a siña hopi tocante e diferente procesonan di decision politico cu ta tuma lugar na Den Haag. Ademas di esaki mi a siña compronde di serca e manera di pensa y funciona di gobierno Hulandes. Di e forma aki tambe mi ta contribui pa mehora e relacion den Reino cu na final di dia ta sirbi pa un mihor desaroyo pa Aruba.

Mi meta ta pa combina mi estudio universitario den historia y politica cu mi pasion pa servicio publico. Fuente ta dunami e oportunidad pa contribui na e bienestar di mi isla Aruba.

 

Carlo Profet

Mi ta den e ultimo aña di mi estudio den Ingenieria, specialisa den Architectura, na Hogeschool van Amsterdam. Actualmente mi ta tumando curso di Urbanismo y Architectura di Paisaje na Academie van Bouwkunst Amsterdam. Mi ta haya cu Aruba a bai hopi atras e ultimo añanan. Den futuro mi lo kier contribui na Aruba door di planea y diseña diferente projectonan economicamente, ecologicamente y socialmente sustenibel.

Mi ta forma parti di Fuente pa asina mi por siña mas di mi isla den un manera investigativo asina mi por forma mi mes un opinion tocante diferente topiconan andando. Na mes un momento mi kier comparti e informacion resultante, na un manera neutral, cu e resto di Aruba.

 

Crescenzia Biemans

Mi ta studiando Politics, Psychology, Law & Economics (PPLE) cu un specialisacion den ley na e Universidad di Amsterdam. PPLE ta un estudio interdisciplinario cu ta pone studiantenan traha hunto den gruponan chikito y intensivo pa purba soluciona problema cu no ta limita na un disciplina so. E cuestion nan riba nos isla ta tanto multidisciplinario cu multicultural y esaki ta wordo personifica den e diversidad di e miembronan di Fuente. Mi speransa cu Fuente ta cu e ta bai trece e discursonan andando riba nos isla na un nivel mas halto y basa riba hecho.

 

Daniella Arends

Mi a caba Colegio Arubano na aña 2011 y di biaha mi a bin hulanda pa studia. Mi prome aña mi a studia na Universidad di Amsterdam un studie cu jama Future Planet Studies, cu ta un studie over di sostenibilidad. E tabata un studie hopi interesante, pero ma dicidi toch cu e no ta algo cu mi lo wak mi mes ta haci pa resto di mi bida. Despues mi a bai studia Farmacie na Utrecht Universiteit. Na april 2016 mi a haya mi bachelor’s diploma y awo mi ta bezig cu mi masters den Farmacie. Na maart 2017 mi ta bai haci un onderzoek na Boston University pa 6 luna tocante e acceso na medicina essential den paisnan menos afortuna.

Mi a join Fuente paso mi sa cu tin diferente proyectonan andando na Aruba  y tambe tin hopi critica contra e proyectonan aki. Ami kier a haya informacion a base di hechonan pa mi por forma mi mesun opinion, pero mi no tabata sa unda mi por haya e informacion aki.  Pesey mi ta haya un plataforma manera Fuente ta hopi importante pa Aruba.

 

George Thiel

Locual cu a pone mi bira parti di Fuente ta e idea pa promove transparencia den asuntonan gubernamental, y tambe pa introduci un dialogo constructivo atrobe entre nos leadernan y e comunidad. Mi ta haya cu e ta importante pa ta critico pero e combersacion no mester ta un solamente yena cu acusacion pa prueba e otro robes pero e mester ta un constructivo pa trece cu ne un solucion. Mi ta haya esaki algo crucial pa Aruba pa asina nos isla por sigui desaroya den un manera positivo.

Na e momento aki mi ta studiando civiele techniek na Technische Universiteit Delft cu plan pa specialisa den offshore engineering. Den e ultimo aña nan aki mi a forma parti di un studentenvereniging pa studiante nan cu ta bin for di Caribe cu ta studiando un estudio tecnico, ABC Compas. Mi a sinta dos aña den e bestuur y den e ultimo aña a sirbi como e voorzitter.

E ta dificil pa bisa ki tempo mi lo bai bek Aruba, pero cu Fuente mi ta sinti mi por contribui na e bienestar di Aruba den e forma di promoviendo transparencia, y asina tambe keda informa y conecta cu nos isla.

 

Haischel Dabian

Desde aña 2013 mi ta studiando Artificial Intelligence na Universidad di Amsterdam. Na e momento mi ta Region Head y miembro di un organisacion internacional cu ta yama Blockchain Education Network. Mi tambe ta trahando hunto cu e gobierno di Hulanda door di experimenta y investiga con tecnologia di Blockchain por wordo uza. Mi obhetivo cu Fuente ta pa trese solucion innovativo cu por wordo aplica riba nos isla.

 

 

Jake Arends

Mi tin 6 aña ta biba na Hulanda, pero mi ta plania pa bai biba bek na Aruba eventualmente. Pesey mi ta interesa pa sa mas over di e situacion na Aruba. Mi ta haya cu skirbi articulo over di diferente topiconan ta duna mi e oportunidad pa siña hopi, y Fuente ta lagami comparti esaki cu e resto di Aruba.

Mi ta bezig cu mi masters awo den Sociolinguistics na Universidad di Amsterdam, y ora mi gradua mi ta bai haci Lerarenopleiding Engels pa mi haal mi eerstegraads bevoegdheid. Mi interes ta mas breed cu esey, y mi no ta limita mi mes na cierto topiconan. 

 

Kaylen Guda

Na September 2015 mi a gradua di mi bachelor y den 2015 mi a cuminsa cu mi master den Farmacie na Universidad di Utrecht. Actualmente mi ta na California ta haci investigacion riba remedi pa autismo. Mi a dicidi di forma parti di Fuente paso desde cu mi a muda pa Hulanda na 2012 mi a ripara cu hopi studiante aki, incluyendo ami, no sa mucho di loke ta pasando riba nos isla. Pa e rason ki mi ta haya cu trahando un plataforma unda cu nos tur ta tene nos mes activamente ocupa cu esaki ta necesario. No solamente nos lo yuda otro studiantenan pa wordo informa riba e situacion na Aruba den un manera neutral y factual, pero tambe motiva mas studiante pa regresa Aruba ora nan caba di studia.

 

khristrella Werleman

For di tempo mi tawata chikito mi tawata interesa den e bunita naturalesa y cultura di Aruba. Mas grandi mi a bira, mas consiente mi a bira riba asuntonan social y nos medio ambiente cu tambe ta forma parti di e dialogo di nos pais. Mi contribucion na Fuente ta bin di un amor pa nos isla.

Na 2009 mi a kaba mi estudio na Colegio Arubano y mescos cu hopi otro studiante mi a dicidi di sigi cu mi estudionan na Hulanda. Actualmente, mi tin 7 anja ta biba na Hulanda y ta haciendo e Masters Estudionan Literario na Universidad di Amsterdam. Den 2013 mi tawata activo den un grupo di studiante di Amnesty International di Amsterdam y a fungi como e Chair. Ademas, na anja 2014 mi a fungi como e Student Coordinator pa e gruponan di Amnesty International Estudiante na Hulanda. Den futuro, mi ta spera cu mi por contribui mas na Aruba y hunto cu henter e comunidad wak nos isla florece.

 

Lorenzo Fränkel

Mi ta periodista na Hulanda, unda mi ta skirbi articulonan pa entre otro Follow the Money tocante di energia. Na aña 2015 mi a lanta e fundacion Rethinking Economics NL, un grupo di studiante di economia cu kier diversifica e contenido di e estudio economico universitario y tambe haci topiconan economico mas comprensibel pa e publico general. Mi a caba mi master economia di e medio ambiente na Vrije Universiteit Amsterdam na 2015.

Mi ta sinti cu tin mester di hisa e calidad di discucion riba topiconan importante manera energia y medio ambiente pa hiba nos isla dilanti. E situacion actual ta preocupami, unda cu nos isla ta desaroyando sin vision pa e futuro generacion. Mi motto ta: 'No critica, sin propone solucion.'

 

Thalia Malmberg

Naci y biba na Aruba, mi a muda na Amsterdam den aña 2010. Mi a muda pa ejerce mi bachelor na Amsterdam University College na unda mi a specialisa den Social Sciences. Durante mi estudio mi tabata activo den Amnesty International Studentgroup di Amsterdam unda mi a sinta mane e Secretary y despues Chairwoman. Den 2015, mi a gradua cu un Masters den Conflict Resolution & Governance na e Universidad di Amsterdam.

Awo mi ta traha como un Program Officer na e Women Peacemakers Program na Den Haag. Women Peacemakers Program ta un grupo activista cu ta lucha pa busca resolucion nonviolento pa conflicto y cu ta duna muhe nan un voz y representa nan den posicion di liderazgo.

 

Tibisay Sankatsing Nava

P'ami ta importante pa por contribui na e futuro di Aruba. Nos como
rubiano tin e recurso pa yuda crea e pais cu nos kier biba aden, y
pesey ami ta parti di Fuente. Fuente ta un manera pa promove
transparencia y duna nos tur e oportunidad pa contribui, y hunto
desaroya nos isla na un manera positivo.

Mi tin 7 anja ta biba na Hulanda. Mi ta traha na Universidad di Leiden,
na unda mi ta maneha proyecto nan di educacion publico. Como project
manager mi ta dirigi un programa international cu ta educa y inspira
muchanan uzando astronomia den mas cu 60 pais rond mundo. Di otro banda mi ta coordina actividadnan publico pa e proyecto di investigacion
NEXUS1492, cu ta investiga e promer encuentronan cultural entre
habitantenan di Caribe y colonisadornan europeo.

 
Fuente ta un comunidad y e mester e aporte di pueblo di Aruba y tur hende cu stima Aruba pa e por funciona. Asina ta studiantenan, profesionalnan y henter Aruba ban uni pa haci informacion mas accesibel pa asina nos tur por yuda hiba nos isla pa dilanti.
Bo kier contribui na Fuente? Manda nos un message riba nos Facebook of manda nos un email na info@nosfuente.org.